Hotel Arcticimut inissikkuit amerlasoorpassuit sinnattoriinnartagaannik ikittuinnaallu piviusunngortittagaannik misigisaqarsinnaavutit. Makku taaguinnarsinnaavagut: qimusserneq, sermeq qulaallugu qulimiguulimmik takusassarsiorneq, iluliarsuit akornisigut umiatsiarneq imaluunniit puigunaatsunut nunaqarfiliarneq. Soorlumi tassa mamarilluinnakkanik toqqartuiinnarneq. Misigisassaq sunaluunniit toqqarukku misigisassaq annertuujussaaq. Inuunermut misigisassaq.

Ilulissat Kangerluat tassaavoq Ilulissani misigisassatigut pikkunarnerpaaq. Sumiikkaluaruilluunniit iluliarsuit assiliaqartitsipput, tigussaasumik eqqarsaatinnilu.

Ilulissaniit kangerluup paavanut illoqarfik qaangilaaginnarlugu pisussinnaavutit. Aamma kangerlummut umiatsiarnissat imaluunniit ukiumi qimussernissat qinersinnaavat. Ukioq kaajallallugu Ilulissaniit kangerlummut 50 kilometerisut takitigisumut qulimiguulimmik takornariartitsisoqartarpoq, taannalu UNESCO-mit nunarsuartsinni eriagisassatut toqqarneqarsimasuuvoq.  Uani annertunerusumik atuarit.

Aasakkut nunataa pisuffissaqqissuuvoq – ukiukkullu ujakkaarutinik sisorartoqarsinnaalluni. Ukioq kaajallallugu periarfissat misigisassanut allattorsimaffimmi uani takukkit.