|
Ullaakkut iterlutit kangerlummi iluliarsuit kusanaqisut tungaannut qiviaruit ulloq aallartilluassavat. Init 87-it iglo-llu nuannerluinnartut tallimat
Hotel Arctic 87-inik iniuteqarpoq – tamarmik Kangiata, Diskobugtip Ilulissallu illoqarfiata tungaanut isikkivillit. Soorunami inini tamani inisimasutta iluarusuutissaannik atortoqarpoq. Inisimasut tamarmik misigisaqarluarsinnaaqqullugit ineqarpoq innarluutilinnut naleqqussakkanik. Taakkua saniatigut iglo-teqarpugut marluuttarissanik tallimanik aluminiumik sanaajusunik, taakkualu majimiit oktoberip tungaanut sissap tungaani saarliullutik isikkivigeqarlutik najugaqarfissatut periarfissaapput. Igdlot hotelimiit ikaartarfikkoorluni tikitassaapput immikkuullarillutillu.
Immikkoortumi Kajak-mi init pitsaanerit (superior)
Init pitsaanerit 22-iusut imaanut ilulissanullu isikkiveqarlutik immikkoortumi ukiualunnguanik pisoqaassuseqartumi Kajak-miipput. Init pitsaanerit tamarmik B&O-nik TV-qarlutillu radioqarput, akeqanngitsunik videonik filmigassaqarput, trådløs netværkeqarput, telefoneqarput, qarlinnut naqitsissuteqarput, nutsanut panersaateqarput, minibareqarput kiisalu kaffeqarlunilu teeqarpoq. Init eqqumiitsuliortup Miki Jakobsenip qalipagaanik assilialersorneqarsimapput. Siniffiit ataasiuttariat marlunngortinneqarsinnaapput imaluunniit sinifferujussuaq ataaseq. Quleriinni ataatsimi init marluuttarissat 11-t tamarmik pujortarfiunngitsuupput.
Immikkoortumi Umiami init pitsaalluinnartut (SuperiorPlus)
Hotel Arcticip illup uigua Umiaq pitsaassutsimigut nunanut tamalaanut naleqqersuussinnaalluartoq, pingasunik quleriiaalik 33-nillu initaqartoq, atuleqqammerpaa. Init tamakkerlutik iluliarsuarnut Diskobugtimullu isikkiveqarput.
Immikkoortumi Puisimi init nalinginnaasut
Hotel Arctic nalinginnarnik 32-nik iniuteqarpoq, taakkunannga amerlanerit imaanut iluliarsuarnullu isikkiveqartut. Marluuttarissamik imaluunniit ataasiuttarissanik marlunnik siniffilerniarussi tamanna aaqqissuussinnaavarput. Init nalinginnaasut tamarmik TV-qarlutillu radioqarput, akeqanngitsumik videofilmeqarput, telefoneqarput kiisalu nutsanut panersaateqarlutik. Immikkoortumut tassunga puisi atsiunneqarsimavoq. 2008-mi oktoberimiit init nalinginnaasut tamakkerlutik illoqarfiup iluliarsuillu tungaannut isikkiveqalissapput. Uani Hotel Arcticip ilaneqarneranut annertunerusumik atuarit
Suitet
Immikkut ilorrisimaarnartumi inisimarusuppit? Taava juniorsuite imaluunniit Ambassadørsuite toqqakkit. Juniorsuitet init superiorit assigalugit annerupput. Immikkoortumi Umiami juniorsuitet arfinillit tamarmik uffarfeqarput. Suitenit tamanit imaq iluliarsuillu isikkivigineqarput, Hotel Arcticip neqeroorutigisinnaasaannit pitsaanerpaamik.
Immikkut pisariaqartitalinnut
Inimik innarluutilinnut naleqqussakkamik pisariaqartitsivit? Taava inniminniiguit tamatumannga ilisimatitsigut. Immikkoortuni Kajak-mi aamma Umiami matut tamarmik alloriusaqanngitsuupput 90 cm-erinillu silissuseqarlutik. Tamatuma saniatigut immikkoortut Kajak aamma Umiaq elevatoreqarput.
|
|
Ini SuperiorPlus
Ini Superior
Ambassadørsuite
Juniorsuite
Ini nalinginnaasoq
|
|
|
