Skip to main content

Akisussaaffipput pimoorupparput

Hotel Arctimiittuusugut inuiqatigiinnut pinngortitamullu iluaqutaasussamik suleqataaneq angusaqarnissarlu aallupparput. Sulisut sullerissut, illoqarfik uummaarissoq avatangiisillu pitsaasut pigigutsigit tikeraat ineqartut pitsaanerpaamik misigisaqartissavavut.

CSR Greenland

Hotel Arctic CSR Greenlandimut, Kalaallit Nunaanni inuiaqatigiit aningaasaqarnikkut aamma avatangiisit piujuartitsineq siunertaralugu ineriartornissaannik suliniuteqartumut ilaasortaavoq. Tamannalu suliffeqarfiit inuiaqatigiinni akisussaassuseqarlutik ingerlatsiuarneratigut aammalu oqartussat, namminersortut inuinnaallu ineriartortitsinissamik siunertaqarluni suleqatigiuarnerisigut pivoq.

Avatangiisinik mianerinninneq

Hotel Arcticip ukiut tulleriiaarlugit teknologi aqqutigalugu sulisunillu ilinniartitsinikkut avatangiisinut mingutsitsineq annikillisarpaa. 2013-mi akunnittarfiup CO2-mik atuinera 0-miilerpoq, tassa CO2-mik aniatitsineq atuinnginnerlu oqimaaqatigiilerput, 2014-milu seqernup kissarnerta nukinga atorlugu nukissiuutitaarpugut, akunnittarfiup innaallagissamik atuinerata 20 procentianik innaallagissiortartumik.

Nunaqavissunik sulisoqarneq

Hotel Arctic Ilulissani suliffiuvoq pingaarutilik. Ukioq kaajallallugu sulisut 60-upput, aasaaneranilu ulapaarfiup nalaani 70-t angusarpaat. Inuussuttunik ilinniartoqartarneq ataavartuuvoq, tassa igasutut, saqisutut, saaffiginnittarfimmiutut, saaffiginnittarfimmi takornarissanillu sullissisutut aammalu allaffimmiutullu.

Kalaallit Nunaata pissarititai

Hotel Arcticip igasui nunatta pissarititaanik nerisasiorneq nutaaliaralugu aalluttuarpaat. Umimmak, tuttu, qaleralik, ukaleq, aqissi, qeeraq, raajat, uillut, eqqusat, suluppaakkat il.il. naasunik akussatut panertitanik, orsuaasanik qeqqussanillu akoorlugit mamartuliarisarpaat. Ukiut arlaqanngitsut matuma siorna Ny Nordisk Mad, Nordisk Ministerrådip akissarsiaritittagaa, pissarsiaraarput.

Ilinniagaqarneq

Hotel Arcticimi igasutut, saqisutut, saaffiginnittarfimmiutut, allaffimmiutut aammalu saffiginnittarfimmi takornarialerinermilu ikiortitut ilinniartuuteqartarpugut. Aammattaaq inuusuttut serviceøkonomitut ilinniagaqartut qaammatini pingasuni suliffimmik misiliinissamut neqeroorfigisarpavut. Akunnittarfimmi ilinniartut arfineq pingasut aqqaneq marlullu akornanniikkajupput.

Ilinniartunngorniaruit Inuilimut Narsamiittumut qinnuteqassaatit. Inuilimiilu akuerineqareeruit Hotel Arcticimi suliffimmi misiliinissamut qinnuteqarsinnaavutit.