Ilulissat

Akunnialunnguit atorlugit allarluinnarmut nikigit

Angalanermi piffissaq eqqarsaatigalugu Europamiit USA-miillu akunnialunnguit atorlugit maannassaatit – allarluinnarmulli periataassaatit, ataatsimeersuassaguit feriassaguilluunniit eqqarsaatinik nutaanik perspektivimillu pilersitsisumut.

Københavnimiit Air Greenland sapaatip akunneranut 5-8-riarluni Kalaallit Nunaannukartarpoq.

Kangerlussuarmut (Søndre Strømfjord) missaatit, tassanngaaniillu avannaani Ilulissat tungaannut taamaallaat 45 minutsit ingerlaassaatit, tassanilu uatsinnit tikilluaqquneqarlutit. Hotel Arctic mittarfimmiit minutsialunnguaannarnik ungasissuseqarpoq.

Københavnimit aallarninniit Hotel Arcticimut apuunnissannut akunnerit arfineq-marluk missaannaaniippoq. Silarsuarmut allarluinnarmut tikilluarit!

Ilulissat alutorsartitsivoq
Ilulissat illoqarfiuvoq alutornartoq, illut qalipaatigissut nutaaliallu akuleriillutik inunnik pinngortitamillu akuuffigineqarlutik. Illut silataanni qimmerpassuit qamutillu immineq oqaluttuartuupput. Illoqarfik takusassiaannaanngilaq. Tassaavoq qangatuttaaq inuuffiusoq. Qimussit angallatinut akuupput, sissamilu umiatsiaaqqat iluliarsuit akornanni aalisariat aallakaasut tikittullu imaaginnavimmata suna tamarmi uumassuseqarpoq. Illoqarfik ilaatigut Knud Rasmussenip inunngorfiani katersugaasiveqarpoq, sanalukkanut puisillu amiinik atisanut nutaalianut pisiniarfeqarluni, cafeqarluni neriniartarfeqarlunilu, illoqarfiup pissarititaanik usseerusukkaanni.

Ilulissat Kangerluat (Kangia)

Ilulissat Kangerluat 2004-mi aasami UNESCO’p Nunarsuarmi pinngortitamut kulturimullu eriagisassatut allattorsimaffianut The World Heritage Committeep 28-issaanik ataatsimiinneranni ilanngunneqarpoq. Pissutissalimmik.

Sermeq iigartartoq Sermeq Kujalleq – Kalaallit Nunaata sermersuta ilamernga – nunarsuatsinni sukkanerpaajulluni sermimik aniatitsisarpoq, sermeq 3000 km2-iusoq ullup unnuallu ingerlanerani 20 meterinik nikittarluni. Sermip iigartartup Kalaallit Nunaata sermersuaata aniatitaata 10%-ia aniatittarpaa allamillu asseqarani. Taamaannerani Ilulissani Kangerluk tassaavoq ilutsimigut allanngorartuartuusoq. Ilutsit, qalipaatit nipillu pinngorartut puigugassaanngillat. Silarsuaq annertoqaaq, Hotel Arcticimilu tamanna qanillisarsinnaavat.

Ilulissat Kangerluat pillugu uani atuarit – aammalu linkini ukunani assinik filminillu isiginnaarit:

Ilulissat Kangia
Ilulissat Kangerluat pillugu GEUS-ip websitea
UNESCO Ilulissat Kangerluat pillugu
(assinut fanebladit toqqakkit)
Iluliarsuit uukkarnerannit malissuit

Ilulissat tusagassiutitigut sammineqarnerat

Hotel Arctic, Ilulissat illoqarfia aamma Ilulissat kangerlua (Kangia) nunarsuatta sinneranit sammineqarajuttarpoq. Quppernermi uani allaatigisanut, nalunaarutinut oqaaseqaatinullu attuumassuteqartunut ingerlariaqqissinnaavutit.

Tusagassiutitigut sammisanik quppernermut uunga ilanngussassaqqissunik piukkussaqaruit mailimik nassiussinissamut tikilluaqqusaavutit.

Tusagassiutit qallunaatut:

Tusagassiutit tuluttut: