Suliffeqarfissuaq pillugu

Air Greenland A/S

Air Greenland A/S Kalaallit Nunaata timmisartuutileqatigiiffigivaa Københavnimut nunallu iluani timmisartuussisartoq. Suliffeqarfiup attattortitsinermut immikkoortuani suliarineqartarput ilaatigut ilisimasassarsiortunut, aatsitassanik ujarlertunut, takornarissanut angallassisunut, ujarlernernut annaassiniarnernullu tunngasut. Timmisartuutigineqarput suluusallit aqqanillit qulimiguullillu 21-t. Air Greenland A/S Namminersornerullutik Oqartussanit, SAS-imit aamma danskit naalagaaffiannit pigineqarpoq.

Nittartagaq iserfigiuk

Hotel Arctic A/S

Hotel Arctic Kalaallit Nunaanni timmisartukkut angallassisunit Air Greenland A/S-imit 100-imik pigineqarpoq, aamma Air Greenland Namminersorlutik Oqartussanit pigineqarluni. Naak Hotel Air Greenlandimit pigineqaraluarluni, Hotel namminersortutut ingerlavoq. Hotel sisamanik ulloriaqarpoq ilaqutariinnullu tulluartuulluni. Hotel Arctic ullumikkut ingerlalluartupilussuuvoq. Tikeraartugut amerlapput, hotelimilu kusanaqisumi nunamilu kusanaqisumi misigisaqartarlutik assersuutigalugu tikeraagut mittarfimmi hotelimi sulisunit aaneqartarput.

Grønlands Rejsebureau A/S

Grønlands Rejsebureau Københavnimiippoq. Angalatitseqatigiiffik ukiuni 20-ni angalatitsinikkut misilittagaqartuuvoq Kalaallit Nunaannut, Islandimut Savalimmiunullu, nunallu taakkua akornanni angalanernut katitikkanut takornarissanik angalatitsisutut annersanut akuulluni. Grønlands Rejsebureau/Greenland Travel angalanernik ataatsimoortunik aaqqissuuteriikkanik, angalaqatigiinnut angalanernut ataasiakkaallu angalanerinut neqerooruteqarpoq. Grønlands Rejsebureau Air Greenland A/S-mit 100%-mik pigineqarpoq.

Nittartagaq iserfigiuk

World of Greenland

Grønlands Rejsebureau A/S-ip Ilulissat Travel A/S-illu suleqatigiillutik pigivaat. World of Greenland Qeqertarsuup Tunuani Ilulissani inissisimavoq, incoming selskabitullu illoqarfimmut takornarianut umiarsuarmik, qulimiguulimmik pisummillu angalanerit aaqqissuuttarlugit. Taakkulu saniatigut takornarissat umiarsui suli amerliartortut suliffeqarfiup sullittarlugit.

WOG-p aamma vandrehjem illuaraqarfillu Eqi ingerlatarivai.

Nittartagaq iserfigiuk