Skip to main content

Hotel Arctic-imi ineqarneq

Hotel Arctic ininik 90-nik assigiinngitsunik peqarpoq, tassa suitet (init angisuut kusanartut), ilaqutariinnut init, init ataasiuttarissat aamma marluuttarissat. Inaatigullu Ilulissat Kangiat iluliarsuillu isumassarsiorfigalugit pisatsersugaapput.

Ininut tamanut makku atuupput:

  • Inip isumaginera
  • Errorsisitsineq
  • Internetti akeqanngitsoq
  • TV nunanit tamalaanit isiginnaagassiartalik
  • Oqarasuaat
  • Radio itersaatilik
  • Akisissamaat
  • Nutsanut panersiut
  • Uffarfiup naqqa kiassagaq
  • Uffarfimmi atortut qaqorsaatit assigisaallu
  • Allaffik
  • Manissaat aamma manissaavik
  • Kaffit tiillu

Init immikkoortuni Puisimik, Qajamik Umiamillu ilisarnaasikkaniipput.

Standard / Init Nalinginnaasut

Init nalinginnaasut immikkoortumi Puisimi, 2020-mi nutarterneqartumi, ipput. Inillu pisatai nunani avannarlerni qalipaatinut tulluarsakkat uffarfiinut kusanartunut aamma tulluaqaat.

Ini nalinginnaasoq Ilulissat kangerluannut tamakkiisuunngitsumik aammalu illoqarfiup umiarsualivianut ulapaarfiujuartumut isikkivilik, eqqissisimaarusuttunut naleqquttuuvoq.

Ini nalinginnaasoq kisimiilluni imaluunniit marluulluni inissassatut inniminneerneqarsinnaavoq, marluuttarissamik imaluunniit siniffinnik immikkoortunik marlunnik siniffeqarsinnaalluni. Inini nalinginnaasuni inersimasut pingasuusinnaanngillat.

Superior / Init Pitsaanerit

Init nalinginnaasut immikkoortumi Puisimi, 2020-mi nutarterneqartumi, ipput. Inillu pisatai nunani avannarlerni qalipaatinut tulluarsakkat uffarfiinut kusanartunut aamma tulluaqaat.

Ini nalinginnaasoq Ilulissat kangerluannut tamakkiisuunngitsumik aammalu illoqarfiup umiarsualivianut ulapaarfiujuartumut isikkivilik, eqqissisimaarusuttunut naleqquttuuvoq.

Ini nalinginnaasoq kisimiilluni imaluunniit marluulluni inissassatut inniminneerneqarsinnaavoq, marluuttarissamik imaluunniit siniffinnik immikkoortunik marlunnik siniffeqarsinnaalluni. Inini nalinginnaasuni inersimasut pingasuusinnaanngillat.

Junior Suite 2 -t

Hotel Arctic-imi Junior Suite 2-t immikkorluinnaq misigisaqarfissaapput. Init kusanartut inissaqarluartut Ilulissat kangerluanut iluliarsuit tissukaarujoorlutik nipinik qalipaatinillu immikkut illuinnartunik pilersitsivigisaannut isikkiveqarput.

Init kusanartunik pisatsersukkat isikkivimmut naliitsumut tulluussakkatullusooq ipput, inillu inissaqarluartut atortorissaartullu eqqissilluni ilorrisimaarnissamut periarfissiilluarput. Init junior-suitit taakku nalaasaarfeqarlutillu issiavissuallit, aamma kusanartunik kuutsitsiviusartunik uffarfeqarput.

Init Junior Suite-t immikkoortuni Puisi-mi Qajami aamma Umiami inissisimapput.

Junior Suite 4 -t

Hotel Arcticimi Junior Suite 4, inimi nunani tamalaani pitsaassutsinut naapertuuttumik ineqarusukkuit, toqqassavat. Init Ilulissat kangerluannut aammalu iluliarsuarnut isikkiveqarput. Iluliarsuit seqernup qinngornerinit asseqanngitsumik tupinnaannartumillu kusanassusilikkatut ittut, isikkivik Ilulissat kangerluannut sammisoq taassaanngitsumik kusanassuseqartippaat.

Junior suite-t tamarmik marluuttarissanik nalaasaarfeqarlutillu issiavissuallit, kusanartunik uffarfeqarput.

Taakku ksimiilluni imaluunniit marluulluni inissatut inniminneerneqarsinnaapput. Marluuttarissat angisuumik siniffeqarput, aammali siniffinnik immikkoortunik marlunnik siniffilerneqarsinnaapput. Junior suite-t aamma ilaqutariinnut, inunnut pingasunut sisamanulluunniit (amerlanerpaamik inersimasut marluk meeqqallu marluk) inniminneerneqarsinnaapput.

Junior Suite 4-t marlukkuutaarlutik sanileriipput akunnermikkut matoqarlutik, taamaasilluni init marloqiusanngorlugit Junior Suite-titut atorneqarsinnaallutik.

Fjeldværelse-t / Init Toqqaannaq Anisarfillit

Hotel Arctic-ip inaatai toqqaannaq anisarfillit tallimaapput, ininilu taakkunani ineqartut immikkut aneersuartarfimminniit nunamut anillariaannaapput. Inillu igalaarsui ammaraanni Qeqertarsuup tunuanut kusanassutsimigut nallerneqarsinnaanngitsumik isikkiveqarpoq.

Siniffinniit qullarlugillu apparneqarsinnaasunit iluarisaq malillugu Ilulissat kangerluannut iluliarsuarnullu isiginnaarujoortoqarsinnaavoq. Isikkivik taanna aamma inimi issiavissuarniit isiginnaarujoorneqarsinnaavoq, seqinerlu sakkortugigaanni, seqinermut alanngiffik appaannariaavoq.

Inip pisatarai, atisaasivik, allaffik, issiavissuit marluk, nerriveeraq aammalu igalaat saavini issiaartarfik. Aneersuartarfimmi nerriveqarpoq marlunnillu issiaveqarluni.

Uffarfimmit immikkut ittumiit silammut Qeqertarsuullu tunuanut isikkiveqarsinnaavutit, uffarfilli aamma igalaat tungaannut assersinnaavat. Uffarfiup pisataasa ilagaat perusuersareernermi ataatigut asaffik aamma tarrarsuut iPhonemiit Android-imiillu nipilersuutinik tusarnaarnermi Bluetooth-højttalerilik.

Allanik paasisaqarusuppit?

Paasissutissat ininut akunnittarfimmullu tunngasut uani takukkit.